Ahmedabad ni pol

By Toplocal on Apr 19, 2016

અદભૂત અમદાવાદ અને અજબ તેની પોળો

અમદાવાદ શહેર આજે મૉલ, મલ્ટીપ્લેક્સ, બંગલા, રો-હાઉસ, ફ્લેટ્સ, અપાર્ટમેંટથી ઉભરાતું મૉડર્ન મેગા સીટી ભલે કહેવાય પણ અમદાવાદની અસલ ઓળખ એટલે પોળ, અને તેમાં ધબકતું ખુમારીથી છલોછલ, મોજીલું અમદાવાદી જીવન.

ahmedabad ni pol

604 વર્ષ પહેલા 12 દરવાજાની કોટની ફરતે આવેલા કોટની અંદર વસેલા આ શહેરની ખમિરવંતી વિરાસત સમી પોળસંસ્કૃતિ આજે પણ ઝળહળે છે. 600થી વધુ પોળો અને તેની અંદર ખડકી, ખાંચા, શેરી, કોતરણીદાર હેરીટેજ મકાનો, બેનમૂન સ્થાપત્યો, કલાત્મક ચબૂતરા, કુવા, મંદિર, દેરાસર, મસ્જીદ, પાણીની પરબ આજે પણ ભવ્ય વારસાની સાક્ષી પુરાવે છે. ઘણી બધી ખાસિયતોમાંની એક ખાસિયત સાથે મઝાના છે, પોળના નામ.

ahmedabad ni pol

સાંકડા રસ્તા-ગલીઓ અને એકબીજા સાથે ખભેખભો મિલાવીને ઉભેલા મકાનોને કારણે જ અહીંના રહીશો વચ્ચેનો સંપ, સંબંધોની સરળતા અને નિકટતા વધુ ગાઢ જોવા મળે છે. અમદાવાદની પોળમાં સંબંધો વધુ સચવાય છે વળી અહીંયાનો 'વાટકી-વહેવાર' આખાય જગતમાં વખણાય છે. વ્યક્તિ આર્થિક રીતે અમિર હોય કે ગરીબ, અહીંના લોકો કોઈ પણ પ્રકારના ભેદભાવ વગર સુહૃદયભાવ સાથે હળીમળીને રહે છે, જે અહીંના લોકોની સૌથી મોટી તાકાત છે.

ahmedabad ni pol

કોઈ પણ તહેવારની ઉજવણીની બાબતે પોળવાસીઓના ઉત્સાહ, ઉમંગના તોલે કોઈ ના આવી શકે. દરેક તહેવારની ઉજવણી આજે પણ એ જ પરંપરા સાથે થાય છે માટે જ ઘણા અમદાવાદીઓ તહેવારની ઉજવવા માટે ખાસ પોળમાં જાય છે.

અમદાવાદની પોળમાં રેહવું, એ પણ એક લાહવો છે.

આર્ટિકલ બાય - વરુણ પંડ્યા

Write a Review